Dirección: Berducedo - 33887 - Allande/Ayande
Teléfonu: 985909820
Calidá: 4/5
Preciu: 25€
Comentarios: Nun pueblu del conceyu d'Ayande alcontramos una ayalga de la nueva cocina asturiana. Dos hermanos, Javier y Manuel, que dexaron sos afayaizos puestos de trabayu en Madrid pa tornar al pueblo de sos pas por mor de la ya perfamosa María. En Berducedo topamos un restaurante perguapu, decoráu con toques d'angüañu y que cuida tolos detalles envede lo qu'el foriatu espera: un chigre de pueblu. Na entrada ta la barra, con sielles y un sofá con llámpara pa empapanos del ambiente y preparanos pa la xinta. Ye un placer dexase llevar pola sabiduría de los hermanos pa tomar un vinín demientres ún espera. Ya sentáu na mesa, sobresalir que nun hai carta escrita y que too ye cantáu y esplicáu al detalle. Un detalle prestosu y afayaizu que te fae sintir ainda más cómodo si ye posible. Nós tomamos un xabalín con pataques con salsa de cerveza grimberger y un ciervu con pataques que taben perbonos. Nel so puntu, y entrugándote en tou momentu si taba too bien. Regámoslo con un Rioja Señorío de Mendieta qu'afitó perbien cola carne. De postre Requesón con miel de casa y Tarda de Quesu. Invitáronmos a los cafés y los vinos d'enantes de la xinta. Too por menos de 60€. Un sitio perguapu y perorixinal nes montañes d'Asturies. Recomiéndase llamar pa reservar.
